వికారాబాద్ జిల్లా కుల్కచర్ల మండలంలో రైతులకు చిరుత కంటిమీద కునుకు లేకుండా చేస్తోంది. చిరుత వరుస దాడులతో రైతులు బెంబేలెత్తిపోతున్నారు. పొలాల వద్ద కట్టేసిన లేగదూడలపై దాడి చేసి చంపుతోంది. తాజాగా ఇప్పాయి గ్రామానికి చెందిన గొల్ల మల్లయ్య రైతు లేగదూడపై చిరుత దాడి చేసింది.
లేగదూడ అరుపులు విని అక్కడికి వెళ్లిన రైతులను చూసి చిరుత పారిపోయింది. కుల్కచర్ల మండలంలో ఏదో ఒక గ్రామ శివారులో చిరుత సంచారం కలకలం సృష్టిస్తుంది. ఈ నేపథ్యంలో స్థానిక రైతులు, ఊళ్లోని జనాలు పొలాలకు వెళ్లేందుకు జంకుతున్నారు. ఎలాగైనా చిరుతను బంధించి తమ ప్రాణాలు, మూగ జీవుల ప్రాణాలు కాపాడలని రైతులు కోరుతున్నారు.
చిరుత దాడి.. పరిగెత్తిన రైతు
ఇదీ చూడండి : తెలంగాణలో మరో వ్యక్తిలో కరోనా లక్షణాలు
