నమ్మకంతో గెలిపించారు.. ప్రజల కోసమే పనిచేయండి: కేటీఆర్

తెరాసపై నమ్మకంతో గెలిపించిన ప్రజల ఆకాంక్షలకు అనుగుణంగా పనిచేయాల్సిన అవసరం ఉందని మంత్రి కేటీఆర్ అన్నారు. వికారాబాద్ జిల్లా అభివృద్ధి, రాజకీయాలపై జిల్లా ఎమ్మెల్యేలతో మంత్రి కేటీఆర్​ సుదీర్ఘంగా చర్చించారు.

వికారాబాద్ జిల్లాలో అభివృద్ధి పనులు, రాజకీయాలు, తదితర అంశాలపై రాష్ట్ర పురపాలక శాఖామంత్రి కేటీఆర్​​ సుదీర్ఘంగా చర్చించారు. ప్రజలు తెరాసపై నమ్మకంతో గెలిపించారని, వారి ఆకాంక్షలకు అనుగుణంగా పనిచేయాల్సిన అవసరం ఉందన్నారు. చర్చలో మంత్రితోపాటు జిల్లా ఎమ్మెల్యేలు డాక్టర్ మెతుకు ఆనంద్, మహేశ్​ రెడ్డి, రోహిత్ రెడ్డి పాల్గొన్నారు.

నియోజకవర్గంలో శాఖల వారీగా జరుగుతున్న అభివృద్ధి పనులపై ఆరా తీశారు. త్వరలోనే వికారాబాద్, పరిగి, తాండూరు మునిసిపాలిటీల అభివృద్ధిపై సమీక్షా సమావేశం నిర్వహించనున్నట్లు తెలిపారు.

ఇదీ చూడండి: ఈనెల 16న కలెక్టర్లతో సీఎం కేసీఆర్ సమావేశం