మార్చి14న జరగనున్న పట్టభద్రుల శాసనమండలి ఎన్నికలపై వికారాబాద్ జిల్లా కేంద్రంలోని డీపీఆర్సీ కేంద్రంలో.. ఎన్నికల సిబ్బంది, పీవోలు, ఏపీవోలకు కలెక్టర్ పౌసుమి బసు అధ్యక్షతన శిక్షణా తరగతులు నిర్వహించారు. పోలింగ్కు ఒక రోజు ముందు స్థానిక జిల్లా పరిషత్ బాలుర ఉన్నత పాఠశాలలో ఏర్పాటు చేసిన పంపిణీ కేంద్రం నుంచి పోలింగ్ సామగ్రిని సేకరించుకోవాలని కలెక్టర్ సూచించారు. అవసరమైన పత్రాలు, సామగ్రి సరి చూసుకొని సిబ్బందికి కేటాయించిన పోలింగ్ కేంద్రానికి చేరుకొని అన్ని ఏర్పాట్లు చేసుకోవాలని తెలిపారు. పోలింగ్ కేంద్రంలో విద్యుత్, సీసీ కెమెరాలు పరిశీలించుకోవాలని పేర్కొన్నారు.
పకడ్బందీగా ఏర్పాట్లు
పోలింగ్ కేంద్రానికి 100 మీటర్ల దూరం వరకు ఎలాంటి పోస్టర్లు, బ్యానర్లు, జన సమూహం ఉండకుండా చూసుకోవాలని కలెక్టర్ వెల్లడించారు. ఎన్నికల రోజు ఉదయం 8 గంటలకు పోలింగ్ ప్రారంభించాలని, సాయంత్రం 4 లోపు క్యూలో నిల్చుని ఉన్న ఓటర్లందరికీ ఓటు హక్కు వినియోగించుకొనే అవకాశం కల్పించాలని వివరించారు. ప్రతి బ్యాలట్ పేపర్పై పోలింగ్ అధికారి సంతకాలు చేయాలని తెలిపారు. ఎన్నికల విధుల్లో ఎలాంటి పొరపాట్లు జరగకుండా జాగ్రత్తలు తీసుకోవాలని సూచించారు.
ఎన్నికల శిక్షణా తరగతులకు హాజరు కాని సిబ్బందికి షోకాజ్ నోటీసులు జారీ చేసి చర్యలు తీసుకోనున్నట్లు కలెక్టర్ పౌసుమి పేర్కొన్నారు. పోలింగ్ సిబ్బంది తమ ఓటు హక్కును వినియోగించుకునేందుకు పోస్టల్ బ్యాలెట్ పత్రాలు ఫారం -12, 13ఏ, 13డీ లను కలెక్టర్ అందజేశారు. ఈ కార్యక్రమంలో అదనపు కలెక్టర్ మోతిలాల్, డీఆర్డీవో కృష్ణన్, వికారాబాద్ ఆర్డీవో ఉపేందర్ రెడ్డి తదితరులు పాల్గొన్నారు.
ఇదీ చదవండి: 'మన ఓటే.. మన భవిష్యత్ను మార్చే ఆయుధం'
