రాష్ట్ర సరిహద్దు జిల్లాల్లోని పట్టణాలు, గ్రామాల్లో కొవిడ్ పరిస్థితులపై స్థానిక అధికారులతో రాష్ట్ర వైద్య ఆరోగ్య శాఖ ముఖ్యకార్యదర్శి రిజ్వి, డైరెక్టర్ శ్రీనివాసరావు సమీక్ష సమావేశం నిర్వహించారు. జోగులాంబ గద్వాల జిల్లా అలంపూర్లో సమావేశమయ్యారు. గ్రామాల్లో కొవిడ్ కట్టడికి అమలు చేస్తున్న కార్యక్రమాలను రిజ్వి అడిగి తెలుసుకున్నారు. కొవిడ్ వచ్చినవారికి అందిస్తున్న సేవలపై ఆరా తీశారు.
శానిటైజేషన్, సలహాలు, పారిశుద్ధ్య నిర్వహణ తదితరాలను అడిగి తెలుసుకున్నారు. థర్డ్వేవ్ను కూడా ఎదుర్కొనేందుకు సిద్ధంగా ఉండాలని సూచించారు. అలంపూర్లో వంద పడకల ఆస్పత్రిని నిర్మించాలని స్థానిక ఎమ్మెల్యే, జడ్పీ ఛైర్పర్సన్ కోరారు.
ఇదీ చూడండి: Vaccination: ఐటీ ఉద్యోగులకు కరోనా వ్యాక్సినేషన్
