సూర్యాపేట జిల్లా కోదాడ మండలం రామాపురం క్రాస్ చెక్ పోస్ట్ వద్ద వారాంతం కావడంతో వాహనాల తాకిడి అధికంగా మారింది. చెక్ పోస్ట్ వద్ద అర కిలోమీటరు మేర ట్రాఫిక్ జామ్ కావడంతో ప్రయాణికులు ఇబ్బందులకు గురయ్యారు. ఆంధ్రా నుంచి వచ్చే ప్రయాణికులు తప్పనిసరిగా ఈ-పాస్ ఉంటేనే కోదాడ పోలీసులు అనుమతిస్తున్నారు. ఈ- పాస్ లేని వాహనాలను వెనుక్కు పంపిస్తున్నారు.
వందల సంఖ్యలో వాహనాలు చెక్ పోస్ట్ వద్ద నిలిచిపోయాయి. గంటల కొద్దీ పడిగాపులు కాస్తున్న ప్రయాణికులు చేసేదిలేక వెనుదిరిగి వెళ్తున్నారు. ఈ-పాస్ లేని వాహనాలకు అనుమతిలేదని కోదాడ రూరల్ సీఐ శివరామి రెడ్డి తెలియజేశారు. కొవిడ్ నిబంధనలు పాటించి, తమకు సహకరించాలని ప్రయాణికులకు పోలీసులు సూచించారు.
ఇదీ చూడండి: KCR: సినారె అజరామరం.. ఆయన సాహిత్యం విశ్వంభరం
