హైదరాబాద్-విజయవాడ రహదారిపై భారీగా వాహనాలు నిలిచిపోయాయి. గొల్లగట్టు లింగమంతులస్వామి జాతర వద్ద వాహనాలు నిలిచిపోయాయి. సూర్యాపేట రిలయన్స్ పెట్రోల్ బంకు నుంచి ట్రాఫిక్కు అంతరాయం ఏర్పడింది.
హైదరాబాద్-విజయవాడ మార్గంలో 2 కిలోమీటర్ల మేర వాహనాలు ఆగిపోయాయి. పోలీస్ సిబ్బంది ట్రాఫిక్ను నియంత్రిస్తున్నారు. జాతర దృష్ట్యా ముందే ట్రాఫిక్ను మళ్లించినప్పటికీ... ట్రాఫిక్ జాం కావడం వల్ల వాహనదారులు ఇబ్బందులు ఎదుర్కొంటున్నారు.
జాతర ప్రారంభం ముందురోజు నుంచే.. హైదరాబాద్ నుంచి సూర్యాపేట మీదుగా విజయవాడకు వెళ్లే వాహనాలను... నల్గొండ జిల్లా నార్కట్పల్లి, నల్గొండ, మిర్యాలగూడ మీదుగా మళ్లిస్తున్నారు. విజయవాడ నుంచి వెళ్లే వాటిని... కోదాడ, మిర్యాలగూడ, నల్గొండ, నార్కట్ పల్లి మీదుగా పంపుతున్నారు. అయినా స్థానికంగా రద్దీ పెరిగే వాహనాలు నిలిచిపోయాయి.
ఇదీ చూడండి: పరువు హత్య: బావను పొడిచి చంపిన మరుదులు!