ఆ భూములకు పట్టాలివ్వాలి: కోదండరామ్​

తెలంగాణ జన సమితి అధ్యక్షుడు కోదండరామ్​ సూర్యాపేట జిల్లా మఠంపల్లి మండలం పెదవీడులో పర్యటించారు. వివాదాస్పదమైన 540 సర్వే నెంబర్ భూములను పరిశీలించారు. ఇక్కడ 70 ఏళ్లుగా సాగు చేసుకుంటున్న రైతులకు పట్టాలివ్వాలని డిమాండ్​ చేశారు.

సూర్యాపేట జిల్లా మఠంపల్లి మండలం పెదవీడు రెవెన్యూ పరిధిలో వివాదాస్పదమైన 540 సర్వే నెంబర్ భూములను తెలంగాణ జన సమితి అధ్యక్షుడు కోదండరామ్​ పరిశీలించారు. ఈ భూములను గత 70 సంవత్సరాల నుంచి రైతులు సాగు చేసుకుంటున్నా... పట్టాలు ఇవ్వకుండా బడాబాబులకు పట్టాలు ఇవ్వడం ఏమిటని ప్రశ్నించారు.

నాగార్జునసాగర్ ముంపు ప్రాంతమైన గుర్రంపోడు తండా, కృష్ణ తండా, మత్స్య తండా, జోజియా తండాప్రాంతవాసులు ఈ భూములను చదును చేసుకొని పంటలు పండించుకుంటున్నారని చెప్పారు. సర్వే నెంబర్​ 540లో రైతులకు పట్టాలివ్వాలని డిమాండ్​ చేశారు. ఈ విషయంపై అవసరమైతే పాదయాత్ర చేయడానికి సిద్ధమన్నారు. కలెక్టర్​ను కలిసి సమస్య వివరిస్తామని చెప్పారు. అంతకు ముందు అంబేడ్కర్​ విగ్రహానికి పూల మాల వేసి నివాళులు అర్పించారు.

ఇదీ చదవండి: రావిరాలలో మెగా డెయిరీ... ఏర్పాట్లన్నీ పూర్తి: తలసాని