'లాక్​డౌన్​ నిబంధనలు ఉల్లంఘించిన 370 మందిపై కేసు నమోదు'

సూర్యాపేట జిల్లాలో లాక్​డౌన్​ పకడ్బందీగా అమలవుతోంది. అనవసరంగా రోడ్లపైకి వచ్చిన వారిపై పోలీసులు కేసు నమోదు చేస్తున్నారు. జిల్లా కేంద్రంలో లాక్​డౌన్​ అమలు తీరును ఎస్పీ పరిశీలించారు.

సూర్యాపేట జిల్లాలో లాక్​డౌన్​ను పకడ్బందీగా అమలు చేస్తున్నట్లు ఎస్పీ భాస్కరన్ తెలిపారు. జిల్లా కేంద్రంలోని పలు కూడళ్లలో లాక్​డౌన్ అమలవుతున్న తీరును ఆయన ఆకస్మిక తనిఖీ చేశారు. వీధుల్లో ఎదురుపడిన ద్విచక్ర వాహనదారులను ఆపి వివరాలు అడిగి తెలుసుకున్నారు.

అనవసరంగా ప్రజలు బయటకు రావద్దని ఎస్పీ కోరారు. బయట తిరిగితే కేసులు తప్పవని హెచ్చరించారు. జిల్లాలో లాక్​డౌన్ నిబంధనలు అతిక్రమించిన 370 మందిపై కేసు నమోదు చేసినట్లు ఎస్పీ వెల్లడించారు.

ఇదీ చదవండి: వైరస్‌ వ్యాప్తి తగ్గేవరకు జాగ్రత్తగా ఉండాలి: సీపీ అంజనీకుమార్‌