హుజూర్నగర్ ఉపఎన్నికలో 40 వేల మెజార్టీతో విజయం సాధిస్తామని తెరాస ఎమ్మెల్సీ పల్లా రాజేశ్వర్ రెడ్డి ధీమా వ్యక్తం చేశారు. ఇక్కడి ప్రజలు సైతం తెరాస వైపు చూస్తున్నారన్నారు. విపక్షంగా ఉన్నందున కాంగ్రెస్ పార్టీ విజయం సాధిస్తే హుజూర్నగర్ అభివృద్ధి చెందదని పద్మావతిరెడ్డి నేరుగా చెప్పినట్లు గుర్తుచేశారు. కాంగ్రెస్ గెలిస్తే ఉత్తమ్ కుమార్ రెడ్డి కుటుంబం మాత్రమే లాభపడుతుందని.. తెరాస విజయం సాధిస్తేనే నియోజకవర్గం అభివృద్ధి చెందుతుందని తెలిపారు. కేసీఆర్ చేపట్టిన పథకాలే తమ ఓటు బ్యాంకని రాజేశ్వర్ రెడ్డి పేర్కొన్నారు. గతంలోనూ కాంగ్రెస్కు అండగా నిలిచిన స్థానాల్లో గులాబీ జెండా ఎగురవేసినట్లు గుర్తుచేశారు. కేవలం ఏడు వేల మెజార్టీ సాధించిన ఉత్తమ్.. కేటీఆర్ గురించి మాట్లాడే అర్హత లేదన్నారు.
ఇవీ చూడండి: 'హుజూర్నగర్లో అధికార దుర్వినియోగానికి తెరాస కుట్ర'
