సూర్యాపేట జిల్లాలోని హుజూర్నగర్, తుంగతుర్తి ఎమ్మెల్యేలు సైదిరెడ్డి, గాదరి కిశోర్ కుమార్లు కరోనా నివారణపై ప్రజలు తీసుకోవాల్సిన చర్యలను అవగాహన కల్పిస్తున్నారు.
ఎమ్మెల్యే ఐదు సూత్రాలు
హుజూర్ నగర్ ఎమ్మెల్యే శానంపూడి సైదిరెడ్డి కరోనా వైరస్ను ఐదు సూత్రాలలో గెలవచ్చు అని ప్రజలకు సూచించారు. మొదటిది యోగ, బ్రీతింగ్ ఎక్ససైజ్, ఇండోర్ గేమ్స్ ఆడటం.
- రెండోది ఒకే స్థలంలో 30 నిమిషాల కంటే ఎక్కువ కూర్చోకుండా ఉండడం.
- మూడోది మనం ప్రతి నిమిషం మన కుటుంబంతో కలిసి మెలిసి హాయిగా ఆహ్లాదంగా ఉండడం.
- నాల్గోది కరోనాకు సంబంధించిన విషయాలను సామాజిక మాధ్యమాల్లో వస్తున్నటువంటి విషయాలను నమ్మకుండా ఉండడం.
- ఐదో ఆల్కహాలు తీసుకోకపోవడం, ప్రతి ఇల్లు పచ్చదనంతో కళకళలాడేలా చూసుకోవడం.
ఇలా ఈ ఐదు సూత్రాలు ప్రతి ఒక్కరూ అలవాటు చేసుకుంటే కరోనా మీ దగ్గరికి రాదని ఎమ్మెల్యే సైదిరెడ్డి తెలిపారు.
కరోనా నివారణకు.. ఎమ్మెల్యేల అవగాహన... సైదిరెడ్డి ఐదు సూత్రాలు పర్యటన.. పర్యవేక్షణ
తన నియోజకవర్గంలో లాక్డౌన్ అమలు ఎలా కొనసాగుతున్న తీరును అధికారులను ఎమ్మెల్యే గాదరి కిశోర్కుమార్ అడిగి తెలుకున్నారు. ప్రజలకు ఎలాంటి ఇబ్బంది కలుగకుండా చూడాలని వారిని ఆదేశించారు. ప్రజల కోసం తమ ప్రాణాలను ఫణంగా పెట్టి నిస్వార్ధంగా సేవ చేస్తున్న పోలీసులు, డాక్టర్లు, రెవెన్యూ, శానిటేషన్ డిపార్ట్మెంట్ వాళ్లకు ఎమ్మెల్యే కృతజ్ఞతలు తెలిపారు. అభివృద్ధి చెందిన దేశాలైన అమెరికా, ఇటలీలోని ప్రజలు తమ ప్రభుత్వాల మాట వినకపోవడం వల్ల దాని పర్యవసానాన్ని అనుభవిస్తున్నారని.. మన దేశంలోని ప్రజలకు ఆ పరిస్థితి రాకూడదని ఆయన అన్నారు. కావున ప్రజలందురూ ప్రభుత్వ నిర్ణయాలకు కట్టుబడి స్వీయ నిర్బందంలో ఉండాలని.. సామాజిక దూరాన్ని పాటించాలని ఆయన కోరారు.
ఇదీ చూడండి:రాష్ట్రంలో కరోనా వ్యాప్తి చెందలేదు: ఈటల
