సూర్యాపేట జిల్లా నూతనకల్ మండల ప్రజాపరిషత్ కార్యాలయంలో 59 మంది లబ్ధిదారులకు కల్యాణలక్ష్మి, షాదీముబారక్ చెక్కులను ఎమ్మెల్యే గాదరి కిశోర్కుమార్, జడ్పీ ఛైర్పర్సన్ గుజ్జ దీపికా యుగంధర్రావు పంపిణీ చేశారు. గత ఆరు నెలలుగా కరోనా నేపథ్యంలో ఎన్ని ఇబ్బందులు ఎదురైనా రాష్ట్రంలో సంక్షేమ పథకాలు ఆగలేదని ఎమ్మెల్యే అన్నారు. ప్రజల సంక్షేమమే ధ్యేయంగా ప్రభుత్వం పనిచేస్తోందన్నారు. కల్యాణలక్ష్మి , షాదీముభారక్ పథకాలు పేదింటి ఆడపిల్లలకు ఒక గొప్ప వరమన్నారు.
సీఎం కేసిఆర్ ప్రతి పేదవాడి పెద్ద కొడకుగా తన చెల్లెలికి పెళ్లి కానుకగా కల్యాణలక్ష్మి, షాదీముబారక్ చెక్కులను అందిస్తున్నారని అన్నారు. ఈ కార్యక్రమంలో రైతు బంధు సమితి జిల్లా కో-ఆర్డినేటర్ ఎస్ఏ.రజాక్, ఎంపీపీ భూరెడ్డి కళావతి సంజీవ రెడ్డి, జడ్పీటీసీ కందాల దామోదర్ రెడ్డి, ప్యాక్స్ ఛైర్మన్ కనకటి వెంకన్న, వైస్ ఎంపీపీ పరమేష్, తదితరులు పాల్గొన్నారు.
ఇవీ చూడండి: మంత్రి హరీశ్‌రావుకు కరోనా పాజిటివ్
