సూర్యాపేట జిల్లా కోదాడ సమీపంలోని రామాపురం క్రాస్రోడ్ వద్ద చెక్పోస్ట్ మూసివేయడంతో ప్రయాణికులకు ఇక్కట్లు తప్పడం లేదు. రాష్ట్రంలో లాక్డౌన్ నిబంధనల దృష్ట్యా ఏపీలోని కృష్ణాజిల్లా అవనిగడ్డ నుంచి పెద్దపల్లి జిల్లా రామగుండంలో పెళ్లికి వెళ్తున్న వారిని పోలీసులు అడ్డుకున్నారు. దీంతో బంధువులు తీవ్ర ఇబ్బందులు ఎదుర్కొన్నారు.
అవనిగడ్డ తహసీల్దార్ కార్యాలయం నుంచి తీసుకున్న అనుమతి పత్రం చూపించినా.. పోలీసులు నిరాకరించారని బంధువులు వాపోతున్నారు. గంటసేపు ఎండలో బతిమిలాడుతూ తీవ్ర ఇబ్బందులు పడిన తర్వాత ఎట్టకేలకు పెళ్లికి వెళ్లడానికి పోలీసులు అంగీకరించారు. దీంతో పెళ్లి వారు ఊపిరి పీల్చుకున్నారు.
ఇదీ చదవండి: నర్సుల సేవలు, త్యాగం మరువలేనివి: సీఎం కేసీఆర్‌
