కరోనా ప్రమాదకరమైంది.. రాకముందే మేల్కోవాలి: సైదిరెడ్డి

కరోనా మహమ్మారి ఎంతో ప్రమాదకరమైన వైరస్ అని... రాకముందే నివారించాలని హుజూర్​నగర్​ ఎమ్మెల్యే శానంపూడి సైదిరెడ్డి అన్నారు. జనతా కర్ఫ్యూకు ప్రజలంతా సహకరించాలని కోరారు.

కరోనా వైరస్​ను చాలా సీరియస్​గా తీసుకోవాలని, ఇది అత్యంత ప్రమాదకరమైన వైరస్ అని హుజూర్ నగర్ ఎమ్మెల్యే శానంపూడి సైదిరెడ్డి అన్నారు. అభివృద్ధి చెందిన ఇటలీ లాంటి దేశం సైతం వైరస్​ను తట్టుకోలేని పరిస్థితి ఏర్పడుతోందని, వైరస్ రాకముందే జాగ్రత్తలు తీసుకోవాలని కోరారు.

ఈనెల 22న ప్రభుత్వం పిలుపుమేరకు అంతా జనతా కర్ఫ్యూలో పాల్గొని కరోనా వైరస్​ను అరికట్టాలని సూచించారు. ప్రతి ఒక్కరూ చేతులను, పరిసరాలను పరిశుభ్రంగా ఉంచుకోవాలన్నారు. జనతా కర్ఫ్యూ గురించి పదిమందికి ఫోన్ చేసి దీనిలో భాగస్వాములు కావాలని కోరాలన్నారు.

ఇదీ చూడండి: 'కరోనా వచ్చినా భయపడొద్దు.. ఇలా చేస్తే సరి'