సూర్యపేట జిల్లా మట్టంపల్లిలో మండల సర్వసభ్య సమావేశం నిర్వహించారు. సమావేశానికి ముఖ్య అతిథిగా ఎమ్మెల్యే సైదిరెడ్డి హాజరయ్యారు. రైతుల అభ్యున్నతి కోసమే నూతన రెవెన్యూ చట్టాన్ని ప్రభుత్వం తీసుకొచ్చిందని చెప్పారు. ఈ చట్టంతో భూ కబ్జా దారుల నుంచి భూములను రక్షించుకోవచ్చని అన్నారు.
రైతులు తమ భూములు ఆన్లైన్లో నమోదు కాక.. పట్టా పుస్తకాలు రాక.. రైతు బంధు, రైతు భీమా పథకాలు కోల్పోతున్నారని అన్నారు. ఇలాంటి వారి కోసమే ప్రభుత్వం ఈ చట్టాన్ని తీసుకొ చ్చిందని తెలిపారు. అధికారులు అవినీతికి పాల్పడితే సహించేది లేదన్నారు. ఎలాంటి సమస్య వచ్చినా తాను అందుబాటులో ఉంటానని భరోసా ఇచ్చారు.
ఇదీ చదవండి: ఎమ్మెల్యేలు, ఎమ్మెల్సీలకు మరోసారి కరోనా పరీక్షలు
