కూలీలతో వెళ్తున్న ఆటోను ఢీకొట్టిన కారు

రోజంతా పని చేసుకుని తిరిగి ఇంటికి వెళ్తున్న కూలీలకు పెను ప్రమాదం తప్పింది. వేగంగా దూసుకొచ్చిన కారు... కూలీలు వెళ్తున్న ఆటోను వెనక నుంచి వచ్చి ఢీకొంది. ఈ ఘటనలో కూలీలంతా స్వల్ప గాయాలతో బయటపడ్డారు. ఎవరికీ ప్రాణ నష్టం లేకపోవటం వల్ల అందరూ ఊపిరి పీల్చుకున్నారు.

సూర్యాపేట జిల్లా మునగాల మండలం మాధవరం వద్ద ప్రమాదం సంభవించింది. విజయవాడ నుంచి హైదరాబాద్​కు వెళ్తున్న కారు వేగంగా దూసుకొచ్చి కూలీలతో వెళ్తున్న ఆటోను వెనక నుంచి ఢీకొంది. ఆటో నుంచి ఐదుగురు కూలీలు రోడ్డుపై పడ్డారు. ఈ ఘటనలో కూలీలందరికీ స్వల్ప గాయాలయ్యాయి. వెనకనుంచి ఎలాంటి వాహనాలు రాకపోవటం వల్ల పెను ప్రమాదం తప్పినట్లైంది. క్షతగాత్రులందరిని కోదాడ ప్రభుత్వ ఆస్పత్రికి తరలించారు. ఆటోలో ఉన్న వారంతా... మహబూబాబాద్​ జిల్లా దంతాలపల్లి మండలం బృందావనపురానికి చెందిన కూలీలు. మాధవరంలో కూలీ పనుల కోసం వచ్చి తిరిగి వెళ్తుండగా ప్రమాదం సంభవించింది.

ఇవీచూడండి: వాతావరణశాఖ హెచ్చరిక... నాలుగు రోజులపాటు వర్ష సూచన