డంపింగ్​ యార్డులో వ్యర్థాల తగలబెట్టడం వల్ల రైతులకు ఇక్కట్లు

సిద్దిపేట జిల్లా వరదరాజపల్లి గ్రామ సరిహద్దుల్లో డంపింగ్​ యార్డులో వ్యర్థ పదార్థాలు ప్లాస్టిక్ కవర్లు.. తగలబెట్టగా ఆ బూడిద సమీపంలోని చెరువులు, కుంటల్లో చేరుతున్నాయి. దాని వల్ల అవి కలుషితమై గ్రామస్థులు ఇబ్బందిపడుతున్నారని.. సంబంధిత అధికారులు వెంటనే స్పందించి తగిన చర్యలు తీసుకోవాలని కోరుతున్నారు.

సిద్దిపేట జిల్లా తొగుట మండలం వరదరాజపల్లి గ్రామ సరిహద్దుల్లో డంపింగ్​ యార్డులో నిరంతరాయంగా వ్యర్థ పదార్ధాలు, ప్లాస్టిక్ కవర్లు గుట్టలుగుట్టలుగా పారేసి తగలబెడుతున్నారు. ఇలా తగలపెట్టడం వల్ల వచ్చే బూడిద దమ్మయ చెరువు, కాషాయ కుంటల్లోకి చేరడం వల్ల ఆ నీరు కలుషితమై, చెడు వాసన వస్తోందని వరదరాజపల్లి గ్రామస్థులు వెల్లడించారు. కలుషిత వ్యర్థాలు నీటిలో కలవడం వల్ల గ్రామంలోని చెరువులో చేపలు చనిపోతున్నాయని గ్రామస్థులు ఆందోళన వ్యక్తం చేశారు.

ఆయకట్టు చెరువు చుట్టుపక్కల ఉన్నటువంటి పశువులు, పక్షులు ఆ చెరువులో నీళ్లు తాగి చనిపోయే ప్రమాదముందని .. వీటితో పాటు ఆ నీరు పొలాల్లో చేరడం వల్ల పంటలు సరిగ్గా పండవని వాపోయారు. సంబంధిత అధికారులు తక్షణం స్పందించి వెంటనే తగిన చర్యలు తీసుకోవాలని.. ఎలాంటి ప్రాణనష్టం, ధననష్టం జరగకుండా చూడాలని గ్రామప్రజలు కోరుతున్నారు.

ఇదీ చూడండి: సామాజిక మరుగుదొడ్లు వాడే వారిలో 62శాతం మందికి కరోనా