సిద్దిపేట జిల్లా దుబ్బాకలో ముఖ్యమంత్రి కేసీఆర్ ప్రవేశపెట్టిన కొత్త రెవెన్యూ చట్టాన్ని స్వాగతిస్తూ దుబ్బాక మండల రైతులు, తెరాస నాయకులు, కార్యకర్తలు పెద్ద ఎత్తున ర్యాలీ నిర్వహించారు. నూతన రెవెన్యూ చట్టంపై రాష్ట్రవ్యాప్తంగా రైతులు సంతోషం వ్యక్తం చేస్తున్నారని ర్యాలీలో పాల్గొన్న మెదక్ ఎంపీ కొత్త ప్రభాకర్ రెడ్డి అన్నారు. కొత్త చట్టంతో రైతుల కష్టాలు తీరుతాయని ఆయన అభిప్రాయపడ్డారు.
తెలంగాణలో 33 జిల్లాలో రైతులు అందరూ సంతోషంగా రెవెన్యూ చట్టాన్ని స్వాగతిస్తున్నారని ఎంపీ తెలిపారు. దేశంలో ఏ రాష్ట్రం చేపట్టనటువంటి సంక్షేమ పథకాలను ముఖ్యమంత్రి కేసీఆర్ ప్రవేశపెట్టారన్నారు. సీఎం కృషితో త్వరలోనే బంగారు తెలంగాణను సాధిస్తారని ప్రభాకర్రెడ్డి విశ్వాసం వ్యక్తం చేశారు.
ఇదీ చదవండిః దారిలేక వాగు దాటేందుకు 2 గంటలు గర్భిణీ నరకయాతన
