సిద్దిపేట జిల్లా హుస్నాబాద్ మండలం మాలపల్లిలో ప్రమాదవశాత్తు అదుపుతప్పి ట్రాక్టర్ బోల్తా పడడం వల్ల డ్రైవర్ అక్కడికక్కడే మృతి చెందాడు. హుస్నాబాద్ పట్టణంలోని హనుమాన్నగర్కు చెందిన వల్లపురమేశ్ ఓ రైతు పొలం దున్నేందుకు బయల్దేరాడు. మాలపల్లి దాటిన తర్వాత మూలమలుపు వద్ద ట్రాక్టర్ బ్రేకులు ఫెయిలై అదుపు తప్పి బోల్తా కొట్టింది. డ్రైవర్ రమేశ్ ట్రాక్టర్ టైర్ల మధ్య ఇరుక్కుపోయి అక్కడికక్కడే దుర్మరణం పాలయ్యాడు. సంఘటన స్థలానికి చేరుకున్న పోలీసులు జేసీబీ సహాయంతో ట్రాక్టర్ను పక్కకు నెట్టించి, మృతదేహాన్ని బయటికి తీశారు. మృతునికి భార్య, 2 నెలల కుమార్తె ఉన్నారు. సంఘటన స్థలంలో బంధువుల రోదనలు మిన్నంటాయి. మృతదేహాన్ని పోస్టుమార్టం నిమిత్తం హుస్నాబాద్లోని ప్రభుత్వాసుపత్రికి తరలించారు.
డ్రైవర్ మృతి
ఇదీ చదవండిః 'కచ్చులూరు గ్రామప్రజల సహాయం మరచిపోలేం
