ఊరికి వెళ్లొచ్చేసరికే ఇంటిని దోచేశారు!

ఇంటికి తాళం వేసి బంధువుల దగ్గరికి వెళ్లారు. మరుసటి రోజు తిరిగి వచ్చి చూసేసరికి... ఇల్లు గుల్లైంది. నగదు, బంగారాన్ని దొంగలు ఎత్తుకెళ్లారు. ఈ ఘటన సిద్దిపేట జిల్లా దౌల్తాబాద్ మండలం సూరంపల్లిలో జరిగింది.

సిద్దిపేట జిల్లా దౌల్తాబాద్​ మండలం సూరంపల్లిలో దొంగతనం జరిగింది. కనకయ్య కుటుంబం ఇంటికి తాళం వేసి తన బంధువుల గ్రామమైన రాంసాగర్​కు వెళ్ళారు. తిరిగి వచ్చి చూసేసరికి తాళం పగులగొట్టి ఉంది. లోపలికి వెళ్లి చూడగా.. బీరువా తెరిచి దుస్తులన్ని చిందరవందరగా పడి ఉన్నాయి. ఇందతా చూడగా... దొంగలు పడినట్లు అర్థమైంది. మొత్తం పరిశీలించగా... ఇంట్లోని బంగారు, నగదు కన్పించలేదు. 5 తులాల బంగారం, 90 తులాల వెండి, రూ. 25 వేల నగదు పోయినట్లు బాధితుడు తెలిపాడు.

వెంటనే పోలీసులకు సమాచారం ఇవ్వగా.... ఘటనా స్థలికి చేరుకొని పరిశీలించారు. బాధితుడి ఫిర్యాదు మేరకు కేసు నమోదు చేసుకొని దర్యాప్తు చేపట్టారు.

ఇదీ చదవండి: ఐదు రోజులు... ఆరు హత్యలు...