సిద్ధిపేట జిల్లా గజ్వేల్ నియోజకవర్గంలోని ఎనిమిది మండలాల్లో వీఆర్వోల వద్ద నుంచి తహశీల్దార్లు పలు దస్త్రాలు స్వాధీనం చేసుకున్నారు. ప్రభుత్వం వీఆర్వో వ్యవస్థను రద్దు చేసి.. వారి వద్ద నుంచి రికార్డులు స్వాధీనం చేసుకోవాల్సిందిగా ప్రభుత్వం ఆదేశాలు జారీ చేసింది. ఈ మేరకు గజ్వేల్ నియోజకవర్గంలోని కొండపాక, జగదేవ్పూర్, ములుగు, వర్గల్, మర్కూక్, మెదక్ జిల్లా పరిధిలోని తూప్రాన్, మనోహరాబాద్ మండలాలకు చెందిన వీఆర్వోలు స్థానిక తహశీల్దార్లకు తమ వద్ద ఉన్న రికార్డులన్నీ ఒకటికి రెండుసార్లు పరిశీలించి అప్పగించారు. ఉన్నతాధికారుల ఆదేశాల మేరకు స్థానిక వీఆర్వోల నుంచి పూర్తి రికార్డులు స్వాధీనం చేసుకున్నట్టు తహశీల్దార్లు తెలిపారు.
ఇదీ చదవండి: ఖాజిపల్లి అర్బన్ ఫారెస్ట్ను దత్తత తీసుకున్న ప్రభాస్
