సీసీ రోడ్లకు ఎంపీ, ఎమ్మెల్యే శంకుస్థాపన

దుబ్బాక మండలంలోని పులు గ్రామాల్లో ఎంపీ, ఎమ్మెల్యే సీసీ రోడ్ల నిర్మాణాలకు శంకుస్థాపన చేశారు. పెద్ద గుండవెల్లిలో రేణుక ఎల్లమ్మను దర్శించుకొని ప్రత్యేక పూజలు చేశారు.

సిద్దిపేట జిల్లా దుబ్బాక మండలంలో ఎంపీ కొత్త ప్రభాకర్ రెడ్డి, ఎమ్మెల్యే సోలిపేట రామలింగారెడ్డి పర్యటించారు. ఈ సందర్భంగా పెద్ద గుండవెల్లి, తిమ్మాపూర్, పద్మనాభునిపల్లిలో ఎన్ఆర్ఈజీఎస్ పథకం క్రింద సీసీ రోడ్ల నిర్మాణానికి శంకుస్థాపన చేశారు.

పెద్ద గుండవెల్లిలో శంకుస్థాపన అనంతరం ఎంపీ, ఎమ్మెల్యే స్థానికంగా ప్రసిద్ధి చెందిన రేణుక ఎల్లమ్మను దర్శించుకొని ప్రత్యేక పూజలు నిర్వహించారు. ఈ కార్యక్రమంలో జడ్పీటీసీ సభ్యుడు కడతల రవీందర్ రెడ్డి, ఎంపీపీ కొత్త పుష్పలత, ఆయా గ్రామాల సర్పంచులు, తెరాస నాయకులు, కార్యకర్తలు పాల్గొన్నారు.

ఇదీ చూడండి: సింధియా రాజీనామా వెనుక జరిగిన కథ ఇదే...