సిద్దిపేట జిల్లా మార్కు మండలం ఎర్రవల్లి గ్రామానికిచెందిన ఎల్లవ్వ కొన్ని రోజులుగా జ్వరం, ఒళ్లు నొప్పులతో బాధపడుతోంది. పరీక్ష చేయించుకుంటే కరోనా పాజిటివ్గా నిర్ధారణ అయింది. తర్వాత ఆమె కుమారుడు పరశురాముడికీ వైరస్ సోకింది. లాక్డౌన్కు ముందు ఇద్దరూ కూలీ చేసుకుని బతికేవారు.
కరోనా కట్టడికి విధించిన లాక్డౌన్తో ఉన్న ఉపాధి పోయింది. చేతిలో చిల్లి గవ్వ లేదు. తినడానికి గుప్పెడు మెతుకులు లేవు. పైగా మహమ్మారి బారిన పడ్డారు. పది రోజుల నుంచి తినడానికి సరైన తిండి లేక పస్తులుంటున్నారు. దాతలెవరైనా కరుణించి తమను ఆదుకోవాలని ఆ తల్లీకుమారుడు కోరుతున్నారు.
