సిద్దిపేట జిల్లా హుస్నాబాద్ మండలం పోతారం(ఎస్) గ్రామంలో 'యువ మిత్ర అసోసియేషన్' ఆధ్వర్యంలో కాళోజీ పేరిట ఏర్పాటు చేసిన గ్రంథాలయ ప్రారంభోత్సవం ఘనంగా నిర్వహించారు. హుస్నాబాద్ ఎంపీపీ మానస, ఎంపీడీవో రాము మహాత్మా గాంధీ చిత్రపటానికి పూలమాలలు వేసి గ్రంథాలయాన్ని ప్రారంభించారు. గ్రామానికి చెందిన పలువురు దాతల సహాయంతో ఈ గ్రంథాలయం ఏర్పాటు చేయడం జరిగిందని నిర్వాహకులు తెలిపారు. గ్రామ సర్పంచ్ బత్తిని సాయిలు తమ గృహాన్ని గ్రంథాలయ ఏర్పాటుకు దాతృత్వంగా ఇవ్వడం జరిగిందని నిర్వాహకులు తెలిపారు. ఈ కార్యక్రమానికి హాజరైన తెలంగాణ రచయితల వేదిక రాష్ట్ర ఉపాధ్యక్షుడు అన్నవరం దేవేందర్ మాట్లాడుతూ ప్రపంచంలో గొప్ప నాయకులందరూ పుస్తకాలు చదివే ఆస్థాయికి ఎదిగారని తెలిపారు. గ్రంథాలయానికి కావాల్సిన పుస్తకాలను హైదరాబాద్ నుండి తెప్పిస్తానని అన్నారు.
పోతారం(ఎస్)లో కాళోజి గ్రంథాలయం ఏర్పాటు
ఇవీ చూడండి:
