ఇంటర్ ద్వితీయ సంవత్సరం పరీక్షల్లో ఫెయిలైన ఓ విద్యార్థిని మనస్థాపంతో ఆత్మహత్య చేసుకున్న సంఘటన సిద్దిపేట జిల్లా గజ్వేల్లో చోటుచేసుకుంది. పట్టణానికి చెందిన శ్రీశైలం అనే ఆటో డ్రైవర్ కూతురు ప్రవళ్లిక... ఓ ప్రైవేటు కళాశాలలో బైపీసీ ద్వితీయ సంవత్సరం పూర్తి చేసింది. ఇవాళ వెలువడిన ఫలితాల్లో ఓ సబ్జెక్టు తప్పింది. మనస్థాపానికి గురై ఇంట్లో ఫ్యాన్కు ఉరేసుకొని ఆత్మహత్య చేసుకుంది.
గదిలోకి వెళ్లిన కూతురు చాలా సేపటి వరకు రాలేదని తల్లిదండ్రులు తలుపులు తీసి చూడగా... ఫ్యాన్కు వేలాడుతూ కనిపించింది. హుటాహుటిన ప్రభుత్వ ఆసుపత్రికి తరలించగా... అప్పటికే మృతి చెందినట్టు వైద్యులు ధ్రువీకరించారు. అల్లారుముద్దుగా పెంచుకున్న కూతురు ఇక లేదని తెలిసి తల్లిదండ్రులు విలవిల్లాడుతున్నారు. బంధువుల ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.
ఇదీ చూడండి: ఇంటర్ ఫెయిలైందని విద్యార్థిని ఆత్మహత్య
