సిద్దిపేట జిల్లా హుస్నాబాద్ కోర్టు ఆవరణలో.. కరోనా బారిన పడి మృతి చెందిన కుటుంబాలకు హుస్నాబాద్ ప్రిన్సిపల్ జూనియర్ సివిల్ జడ్జ్ గూడ అనూష నిత్యావసర సరుకులను అందజేశారు. మండల న్యాయసేవాధికార సంస్థ ఆధ్వర్యంలో ఈ కార్యక్రమం చేపట్టినట్లు ఆమె తెలిపారు.
కరోనా కారణంగా చిన్నాభిన్నమైన కుటుంబాలను సమాజంలోని ప్రతి ఒక్కరూ ఆదుకోవాలని గూడ అనూష అన్నారు. బాధితులందరూ ధైర్యంగా ఉండి... సరైన పౌష్టికాహారం తీసుకోవడం వల్ల కరోనాను ఎదుర్కోవచ్చని ఆమె పేర్కొన్నారు. అత్యవసర సమయాల్లో తప్ప ప్రజలెవరూ బయటకు రాకూడదని... ఒకవేళ వచ్చినా మాస్కు ధరించి, భౌతిక దూరం పాటించాలని సూచించారు.
ఇదీ చూడండి: MURDER: చెల్లితో అసభ్య ప్రవర్తన.. రోకలిబండతో చంపిన సోదరి
