లాక్డౌన్ కారణంగా ఉపాధిలేక అవస్థలు పడుతున్న కార్మికులకు.. విద్యుత్ ఛార్జీల రూపంలో తెరాస ప్రభుత్వం పెను భారం మోపిందని సిద్ధిపేట భాజపా నేతలు ఆరోపించారు. అధిక విద్యుత్ చార్జీల సమస్యలను పరిష్కరించాలని కోరుతూ.. ఎస్.ఈ కరుణాకర్ బాబుకు భాజపా సిద్ధిపేట జిల్లా శాఖ ఆధ్వర్యంలో వినతిపత్రం అందజేశారు.
లాక్‌డౌన్లోని మూడు నెలల విద్యుత్ బాకాయిలను రద్దు చేయాలని రాష్ట్ర ప్రభుత్వాన్ని భాజపా నేత రఘునందన్ రావు కోరారు. ఈ నిర్ణయం వల్ల ప్రభుత్వానికి ఆదాయం పెరుగుతుంది కానీ.. పేద ప్రజలపై అధిక భారం పెరుగుతుందని ఆవేదన వ్యక్తం చేశారు. పేదలను దోచుకునే విధంగా కేసీఆర్ సర్కార్ ప్రవర్తిస్తోందని మండిపడ్డారు. ఈ కార్యక్రమంలో భాజపా జిల్లా అధ్యక్షులు దూది శ్రీకాంత్ రెడ్డితో పాటు స్థానిక భాజపా నేతలు పాల్గొన్నారు.
ఇదీ చూడండి: జూడాల సమ్మె కొనసాగింపు.. సూపరింటెండెంట్కు లేఖ
