రాష్ట్ర బడ్జెట్లో వ్యవసాయ అనుబంధ రంగాలపై మూడో వంతు నిధులు ఖర్చు చేస్తున్న ఏకైక రాష్ట్రం తెలంగాణ అని ఆర్థిక శాఖ మంత్రి హరీశ్రావు అన్నారు. ఉగాది తర్వాత ఇళ్లు లేని నిరుపేదలకు వారి సొంత స్థలాల్లో డబుల్ బెడ్ రూమ్ ఇళ్లు నిర్మించి ఇస్తామని తెలిపారు.
సిద్దిపేట జిల్లా అక్కన్నపేట మండలంలోని జనగాం, అంతకపేట, మల్లంపల్లి, రామవరం, పోతారం(జే) గ్రామాల్లో రైతువేదిక భవనాలను, పెద్దతండా గ్రామంలో బీటీ రోడ్డును మంత్రి, ఎమ్మెల్యే సతీశ్కుమార్తో కలిసి ప్రారంభించారు.
పామాయిల్ తోటల సాగుకు రైతులు ముందుకు రావాలని మంత్రి కోరారు. ఇందుకోసం ప్రభుత్వం పెద్దఎత్తున సబ్సిడీ ఇస్తోందన్నారు. యాసంగి నాటికి గౌరవెల్లి ప్రాజెక్టు పూర్తి చేసి... కాళేశ్వరం జలాలతో హుస్నాబాద్ మెట్ట ప్రాంతాన్ని సస్యశ్యామలం చేస్తామన్నారు.
ఇదీ చూడండి: రైతుల సంఘటితం కోసమే రైతు వేదికలు: కేటీఆర్
