మిరుదొడ్డిలో చెత్త బుట్టలు పంపిణీ చేసిన సర్పంచ్​

సిద్దిపేట జిల్లా మిరుదొడ్డి గ్రామస్థులకు సర్పంచ్​ రాములు ఆధ్వర్యంలో చెత్త బుట్టలు పంపిణీ చేశారు. తడి, పొడి చెత్తను వేరు చేసి బుట్టల్లో వేయాలని సూచించారు.

సిద్దిపేట జిల్లా మిరుదొడ్డి మండల కేంద్రంలో తడి, పొడి చెత్త బుట్టల పంపిణీ కార్యక్రమం ఏర్పాటు చేశారు. ఈ సందర్భంగా ఎంపీటీసీ, వార్డు మెంబర్ల సమక్షంలో సర్పంచ్ రాములు​ గ్రామస్థులకు చెత్త బుట్టలు పంపిణీ చేశారు.

ప్రజలు చెత్త బుట్టలను సద్వినియోగం చేసుకోవాలని సర్పంచ్​ రాములు పేర్కొన్నారు. తడి, పొడి చెత్తను వేరు చేసి.. చెత్త సేకరణకు వచ్చే పంచాయతీ ట్రాక్టర్​లో వేయాలని సూచించారు. ఇంటి పరిసరాల్లో, రోడ్డుపైన, మురికి కాల్వల్లో చెత్త వేస్తే రూ. 2000 జరిమానా విధిస్తామని హెచ్చరించారు. ప్రజలంతా సీజనల్ వ్యాధుల బారినపడకుండా జాగ్రత్తగా ఉండాలని సూచించారు.

ఇదీచూడండి.. న్యాయం కోసం మృతుల కుటుంబసభ్యుల ధర్నా