దుబ్బాక బీఆర్ఎస్-బీజేపీ పోటాపోటీ నినాదాలతో దద్దరిల్లుతోంది. ఆర్టీసీ బస్టాండ్ సహా వివిధ అభివృద్ధి కార్యక్రమాలను ప్రారంభించేందుకు మంత్రులు హరీశ్రావు, నిరంజన్ రెడ్డి, అజయ్ కుమార్, ప్రశాంత్ రెడ్డిలు వచ్చారు. బీఆర్ఎస్ శ్రేణులు పెద్దఎత్తున రావడంతో.. పోటీగా బీజేపీ కార్యకర్తలు పెద్ద సంఖ్యలో తరలివచ్చారు. బీఆర్ఎస్ శ్రేణులకు పూర్తి స్వేచ్ఛ ఇచ్చి తమపై ఆంక్షలు విధిస్తున్నారని బీజేపీ నేతలు ఆరోపించారు.
ముందుగా హబ్సిపూర్‌లో గోదాములను మంత్రులు, బీజేపీ ఎమ్మెల్యే రఘునందన్రావుతో కలిసి ప్రారంభించారు. ఈ సమయంలో బీఆర్ఎస్, బీజేపీ కార్యకర్తల మధ్య వాగ్వాదం చోటుచేసుకుంది. బీఆర్ఎస్, బీజేపీ కార్యకర్తలు పోటాపోటీగా నినాదాలు చేశారు. దీంతో మంత్రులు హడావిడిగా కార్యక్రమం పూర్తి చేసుకుని వెళ్లిపోయారు.
ఇక దుబ్బాక ఉపఎన్నిక నుంచి రాజకీయ సవాళ్లకు వేదికగా నిలిచిన ఈ బస్టాండ్.. మరోసారి స్వల్ప ఉద్రిక్తతలకు దారితీసింది. కొత్త బస్టాండ్ నిర్మిస్తామని బీఆర్ఎస్, బీజేపీలు హామీ ఇచ్చాయి. దాదాపుగా రూ.4 కోట్లతో నిర్మాణం పూర్తి చేశారు. ఈ క్రమంలో బస్టాండ్ను తమ ఖాతాలో వేసుకునేందుకు రెండు పార్టీలు ప్రయత్నిస్తున్నాయి. ఉప ఎన్నికలో ఇచ్చిన హామీని నెరవేర్చామని బీఆర్ఎస్ నేతలు చెబుతుంటే.. తాము ప్రస్తావించడం వల్లే పూర్తయిందని బీజేపీ నేతలు చెబుతున్నారు.
ఇవీ చదవండి:
