సిద్దిపేట జిల్లా దుబ్బాక మండలం రఘోత్తంపల్లిలో భాజపా రాష్ట్ర అధికార ప్రతినిధి రఘునందన్రావు ప్రచారం నిర్వహించారు. గతంలో రూ. 80 వేలకు తీసుకున్న ప్లాటుకు లక్షన్నర ఎల్ఆర్ఎస్ కట్టమని ప్రభుత్వం చెబుతోందని రఘనందన్ మండిపడ్డారు. అనాలోచిన నిర్ణయాలతో ప్రజలను తీవ్ర ఇబ్బందుల్లోకి నెడుతున్నారని విమర్శించారు.
ఎన్నడూలేని విధంగా మంత్రి హరీశ్ రావు... జనాలకు మందు, విందు ఇస్తూ మభ్యుపెడుతున్నారని ఆరోపించారు. కుల సంఘాలు కట్టుకోండంటూ ఆకట్టుకునే ప్రయత్నం చేస్తున్నారని తెలిపారు. ఈ ప్రచార కార్యక్రమంలో కార్యకర్తలు పెద్దఎత్తున పాల్గొన్నారు.
