ప్రస్తుత విపత్కర పరిస్థితుల్లో కరోనా నుంచి రక్షించుకునేందుకు నియంత్రణ చర్యల్లో భాగంగా ప్రతి ఒక్కరూ విధిగా మాస్క్లు ధరిస్తున్నారు. ఈ క్రమంలో అడవులు అన్నింటిని అభివృద్ధి పేరుతో అంతం చేస్తూ తమకు నిలువనీడ లేకుండా చేస్తున్న మనుషుల వల్ల వానరాలు కూడా జన సమూహాల మధ్య తిరగడం నేడు నిత్యకృత్యమైంది. అయితే ఈ రోజుల్లో కరోనా వైరస్ భయంతో ప్రజలే కాదు, ప్రజల మధ్య తిరుగుతున్న తమకు కూడా వైరస్ బారినుంచి రక్షించుకునేందుకు మాస్కులు కావాలి అన్నట్లు ఓ వానరం ముఖంపై మాస్క్ వేసుకొని కనిపించి అందరినీ ఆశ్చర్యపరిచింది.
సిద్దిపేట జిల్లా తొగుట ప్రభుత్వ ఆసుపత్రిలో ఓ వానరం హాస్పిటల్ పరిసరాల్లో దొరికిన మాస్క్ను ఎత్తుకెళ్లి ముఖంపై మాస్క్ పెట్టుకొని మురిసిపోయింది. తర్వాత అక్కడి నుంచి మాస్క్ చేతిలో పట్టుకొని చెట్ల పొదల వైపు పరుగు తీసింది.
ఇదీచూడండి.. ' వినాయక నిమజ్జనం ప్రశాంతంగా సాగడం సంతోషకరం'
