సిద్దిపేట జిల్లా మద్దూరు మండలం మర్మాముల గ్రామానికి చెందిన అనిల్ కుమార్ అనే వ్యక్తి గురువారం పురుగుల మందు తాగి బలవన్మరణానికి పాల్పడ్డాడు. అయితే గతంలో జరిగిన ప్రమాదంలో మెడపై గాయాలు కావడం వల్ల కలిగే నొప్పి తట్టుకోలేకే తన కుమారుడు ఆత్మహత్యకు పాల్పడినట్లు అనిల్ తండ్రి కనకయ్య పోలీసులకు ఫిర్యాదు చేశాడు. కానీ ప్రేమ వ్యవహారమే కారణమని ఆలస్యంగా వెలుగులోకి వచ్చింది.
వీడియో చరవాణిలో రికార్డు
అనిల్ కొంత కాలంగా ఓ అమ్మాయితో ప్రేమ వ్యవహారం నడిపాడు. ఈ విషయం అమ్మాయి తల్లిదండ్రులకు తెలిసి ఆమెను మందలించారు. తమ అమ్మాయిని మర్చిపోవాలంటూ అనిల్ను బెదిరించారు. చివరకు తాను అమ్మాయి తండ్రి వల్లనే చనిపోతున్నానంటూ చరవాణిలో చిత్రీకరించి... ఆత్మహత్యకు పాల్పడ్డాడు. ఇప్పుడు ఆ వీడియో సామాజిక మాధ్యమాల్లో వైరల్ అయ్యింది. పోలీసులు కేసు నమోదు చేసి విచారణ జరుపుతున్నారు.
ఇదీ చూడండి : పాతగొడవతో స్నేహితున్నే హతమార్చాడు
