'మహిళల పట్ల ఎందుకింత నిర్లక్ష్యం'

మహిళలపై అత్యాచారాలు, దాడులు జరుగుతున్నా.. ప్రభుత్వం పట్టించుకోవడం లేదని సంగారెడ్డి జిల్లా పటాన్​చెరు జాతీయ రహదారిపై తెదేపా నాయకులు నిరసన చేపట్టారు.

రాష్ట్రంలో మహిళల పట్ల ఆకృత్యాలు పెరిగిపోతున్నా.. ప్రభుత్వం నిమ్మకు నీరెత్తినట్లు వ్యవహరిస్తోందని తెదేపా జిల్లా యువత అధ్యక్షుడు ఎడ్ల రమేశ్​ ఆరోపించారు. సంగారెడ్డి జిల్లా పటాన్​చెరు జాతీయ రహదారిపై ప్రభుత్వ వైఖరికి నిరసనగా తెదేపా నాయకులు చేపట్టారు. ఆందోళన చేస్తున్న నాయకులను పటాన్​చెరు పోలీస్ స్టేషన్​ కు తరలించారు.

దిశ హత్యకేసులో పోలీసులు చేసిన పనిని చూపిస్తూ.. సర్కారు గొప్పలు పోతోందని.. మిగతా మహిళల పట్ల ఎందుకు నిర్లక్ష్యంగా వ్యవహరిస్తోందని తెదేపా నాయకులు ఆరోపించారు. ప్రజలకు హామీలు ఇచ్చి ముఖ్యమంత్రి కేసీఆర్ నిలబెట్టుకోలేక పోయారని దుయ్యబట్టారు.

ఇదీ చూడండి : సంక్షేమ బోర్డు.. సరకుల రవాణా.. బస్సుల తగ్గింపు!