ఎస్సీ, ఎస్టీ సమస్యలు తెలుసుకుని వాటిని కమిషన్ దృష్టికి తీసుకు రావాలని ఎస్సీ, ఎస్టీ కమిషన్ ఛైర్మన్ ఎర్రోళ్ల శ్రీనివాస్ కోరారు. సంగారెడ్డి జిల్లాలో రెండు రోజులుగా జరుగుతున్న జన అదాలత్ కార్యక్రమంపై కలెక్టరేట్లో నిర్వహించిన మీడియా సమావేశంలో ఆయన పాల్గొన్నారు. ఇది ఇతర రాష్ట్రాలకు ఆదర్శంగా నిలిచే కార్యక్రమం అని పేర్కొన్నారు. ప్రజా సంఘాలు ఈ కార్యక్రమానికి తమ వంతు సహకారం అందించాలని కోరారు.
సమస్యలను 2, 3 విచారణల్లోనే పరిష్కరించేందుకు కృషి చేస్తామన్నారు. ప్రతి నెల 30న సివిల్ హక్కుల రోజును విధిగా నిర్వహించాలని సూచించారు. మూడు నెలలకు ఒకసారి జిల్లా విజిలెన్స్ కార్యక్రమం విధిగా జరపాలని ఆదేశించారు. ఈ కార్యక్రమాలకు అధికారులు తప్పకుండా హాజరు కావాలన్నారు. చట్టాలపై ప్రతి ఒక్కరికీ అవగాహన కలిగించాలని చెప్పారు. అధికారులంతా తమ వంతు కృషి చేయాలని కోరారు.
ఇదీ చదవండి: పని చేస్తున్న కంపెనీకే కన్నం వేసిన ఘనులు
