'ఆర్టీసీ కార్మికులకు కొవిడ్ నుంచి భద్రత కల్పించండి'

కొవిడ్ నుంచి భద్రత కల్పించాలని డిమాండ్​ చేస్తూ ఆర్టీసీ కార్మికులు.. ఈయూ, ఎస్​డబ్ల్యూఎఫ్ ఆధ్వర్యంలో నిరసన చేపట్టారు. సంగారెడ్డి జిల్లా జహీరాబాద్ డిపో ఎదుట నల్లబ్యాడ్జీలు ధరించి ఆందోళన చేశారు.

మహమ్మారి వల్ల ప్రాణాలు కోల్పోయిన ఆర్టీసీ కార్మికుల కుటుంబాల్లో ఒకరికి ప్రభుత్వ ఉద్యోగం ఇవ్వాలని.. ఈయూ, ఎస్​డబ్ల్యూఎఫ్ నాయకులు డిమాండ్ చేశారు. కొవిడ్ నుంచి ఆర్టీసీ కార్మికులకు భద్రత కల్పించాలని డిమాండ్​ చేస్తూ.. సంగారెడ్డి జిల్లా జహీరాబాద్ డిపో ఎదుట ఆందోళన చేపట్టారు.

హైదరాబాద్​, తార్నాకలోని ఆర్టీసీ ఆస్పత్రిలో.. కరోనా వైద్య సేవలు అందుబాటులోకి తేవాలని నాయకులు డిమాండ్ చేశారు. కొవిడ్ బారిన పడ్డ సిబ్బందికి 21 రోజుల వేతనంతో కూడిన సెలవులు అమలు చేయాలన్నారు.

ఇదీ చదవండి: 'చావుబతుకుల్లో ఉన్నా అనుమతించడం లేదని ఆవేదన'