అధికారులు వేధిస్తున్నారంటూ ఆర్టీసీ డ్రైవర్ ఆందోళన

అధికారులు వేధిస్తున్నారంటూ ఆర్టీసీ డ్రైవర్ ఆందోళనకు దిగారు. ఒత్తిడి తట్టుకోలేకపోతున్నానని కుటుంబంతో కలిసి ధర్నా చేపట్టారు. డ్యూటీల విషయంలో ఇబ్బందులకు గురి చేస్తున్నారని ఆరోపించారు.

అధికారులు తమను వేధిస్తున్నారంటూ ఆర్టీసీ డిపో మేనేజర్ కార్యాలయం ముందు ఓ డ్రైవర్ కుటుంబం పెట్రోల్ బాటిల్​తో ఆందోళనకు దిగింది. సంగారెడ్డి డిపోలో డ్రైవర్​గా విధులు నిర్వర్తిస్తున్న తనని డ్యూటీల విషయంలో ఇబ్బందులకు గురి చేస్తున్నారని.. అనారోగ్యంతో సెలవు పెట్టినా జీతంలో కోత విధిస్తున్నారని ఆరోపించారు.

ఒత్తిడి తట్టుకోలేకపోతున్నానని... ఆత్మహత్య చేసుకుంటానని ఆందోళనకు దిగారు. అధికారులు, సహచరులు నచ్చజెప్పడంతో డ్రైవర్ కుటుంబం నిరసన విరమించింది.

ఇదీ చదవండి: దత్త అవతారం ఎన్నోదో తెలుసా?