సంగారెడ్డి జిల్లా పుల్కల్ మండలం ముదిమాణిక్యం గ్రామానికి చెందిన దివాకర్ తన కుటుంబంతో కలిసి పదిహేనేళ్ల క్రితం హైదరాబాద్ వలస వచ్చాడు. పటాన్చెరులోని చైతన్యనగర్ కాలనీలో ఉంటూ ట్రాక్టర్ డ్రైవర్గా పనిచేస్తున్నాడు. దివాకర్కి శంకర్పల్లి మండలంలోని షేర్గూడెం నివాసి అయిన జంగయ్యతో స్నేహం కుదిరింది. అప్పడప్పుడూ అవసరాల నిమిత్తం దివాకర్ జంగయ్య దగ్గర డబ్బులు తీసుకునేవాడు. తిరిగి ఆ డబ్బులు వసూలు చేసేందుకు ఇంటికి వస్తుండేవాడు. అలా దివాకర్ భార్య సురేఖతో జంగయ్యకు స్నేహం ఏర్పడింది. అది కాస్త వివాహేతర సంబంధానికి దారితీసింది. కొన్నాళ్లకి దివాకర్ ఈ విషయాన్ని గుర్తించి భార్యని మందలించాడు.
భర్తకు విషయం తెలిసిందని, ఎలాగైనా సరే దివాకర్ని అడ్డుతొలగించుకోవాలని సురేఖ... జంగయ్యకు తెలిపింది. ఇద్దరూ కలిసి పరమేష్, ప్రకాష్ అనే గూండాలకు రెండు లక్షల సుపారీ ఇచ్చారు. ముందుగా లక్షా ముప్పైవేలు చెల్లించారు. పనైపోయాక మిగతా 70 వేలు ఇస్తామని తెలిపారు. ఈ పథకంలో భాగంగానే ఆగస్టు 26వ తేదీ రాత్రి మద్యం తాగేందుకు దివాకర్ను ఇంటి నుంచి బయటికి తీసుకెళ్లి బండరాయితో మోది హత్య చేశారు. అనంతరం మృతదేహాన్ని పెదకంచెర్ల శివారులో పడేసి పరారయ్యారు. విషయం తెలుసుకున్న పోలీసులు చరవాణి ఆధారంగా కేసును చేధించారు. నిందుతులు జంగయ్య, పరమేష్, ప్రకాష్లతో పాటు సురేఖను కూడా రిమాండుకు తరలించారు. వారి వద్ద నుంచి 13 వేల 400 రూపాయల నగదు, ఆరు చరవాణులు స్వాధీనం చేసుకున్నారు.
ఇవీ చూడండి: నిరాశ వ్యర్థం... నవోదయం తథ్యం: మోదీ
