సంగారెడ్డి జిల్లా పటాన్చెరు ట్రాఫిక్ సీఐ కృష్ణపై ఉన్నతాధికారులు వేటు వేశారు. మద్యం మత్తులో కారుతో ఓ వ్యక్తిని ఢీకొట్టినందుకుగానూ క్రమశిక్షణా చర్యల్లో భాగంగా సీఐని సస్పెండ్ చేస్తూ వెస్ట్జోన్ ఐజీ స్టీఫెన్ రవీంద్ర ఉత్తర్వులు జారీ చేశారు.
సంగారెడ్డి జిల్లా పటాన్చెరు ట్రాఫిక్ పోలీస్స్టేషన్లో సీఐగా విధులు నిర్వహిస్తోన్న కృష్ణ ఈ నెల 9న రంగారెడ్డి జిల్లా హయత్నగర్ పరిధిలో మద్యం మత్తులో ఓ వ్యక్తిని ఢీకొట్టాడు. ప్రమాదానికి గురైన వ్యక్తికి తీవ్ర గాయాలు కావడంతో సీఐ కృష్ణపై ఐజీ స్టీఫెన్ రవీంద్ర క్రమశిక్షణ చర్యలకు ఉపక్రమించారు. విధుల్లోంచి తొలగిస్తూ ఆదేశాలు జారీ చేశారు.
ఇదీ చూడండి: cheating: విజయవాడలో రియల్ మోసం.. రూ.6 కోట్లకు టోకరా
