సంగారెడ్డి జిల్లాలోని మున్సిపల్ కమిషనర్ లతో బడ్జెట్ పద్దులపై కలెక్టర్ సమీక్ష నిర్వహించారు. 2020-21 , సవరణ బడ్జెట్ 2019-20వ ఆర్థిక సవంత్సరం సవరించిన బడ్జెట్ ఆమోదంపై చర్చించారు. పురపాలక సంఘం నిధులను పార్కులు వైకుంఠ ధామాలు, ప్రజా మరుగుదొడ్ల నిర్మాణం, సమీకృత సంతల అభివృద్ధి జంతు వధ శాలల నిర్మాణం ,డంప్ యార్డ్ ల నిర్వహణ హరితహరం కార్యక్రమాలకు కేటాయించాలని అధికారులకు సూచించారు. మున్సిపాలిటీలలో గడువులోపు పన్నులు వసూళ్లు చేయాలని.. సకాలంలో వసూళ్లు చేస్తేనే అభివృద్ధి సాధ్యం అవుతుందని కలెక్టర్ ధర్మారెడ్డి అన్నారు. పారిశుద్ధ్య కార్మికులందరికి మాస్క్, గ్లౌస్ లు విధిగా ఇవ్వాలని పేర్కొన్నారు.
మున్సిపాలిటీలో కరోనా పై తీసుకోవాలసినా జాగ్రత్తలను కలెక్టర్ ధర్మారెడ్డి కమీషనర్ లకు సూచించారు. అన్ని మున్సిపాలిటీలలో దుకాణంలో పనిచేసే వారు, వినియోగదారులు మాస్క్ లు తప్పనిసరి ధరించాలన్నారు. “మాస్క్ లేనిదే - వస్తువులు లేవు / సేవ లేదు” అనే విధానాన్ని అనుసరించాలని స్పష్టం చేశారు. 4 , 5 అడుగులతో భౌతిక దూరం కోసం గుర్తులు వేయి౦చాలని, నాన్-వెజ్ మార్కెట్, చేపల మార్కెట్ లలో పరిశుభ్రత పాటించాలని యజమానులను ఆదేశించారు.
