తల్లీ ఇద్దరు పిల్లల అదృశ్యం వెనుక అసలు కథేంటి?

సంగారెడ్డి జిల్లా రామేశ్వరం బండలో తల్లి ఇద్దరు పిల్లలు అదృశ్యమయ్యారు. దీనితో మహిళ భర్త పటాన్​చెరు పోలీస్​ స్టేషన్​లో ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేస్తున్నారు.

సంగారెడ్డి జిల్లా పటాన్​చెరు మండలం రామేశ్వరం బండ కొత్తకాలనీకి చెందిన దుర్గా ప్రసాద్​.. రామచంద్రాపురం గ్రేటర్​ పరిధిలోని చెత్త సేకరించే పని చేస్తుంటాడు. ఈ నేపథ్యంలోనే 25న ఉదయాన్నే చెత్త సేకరించేందుకు వెళ్లాడు. మధ్యాహ్నం వచ్చి చూసేసరికి తన భార్య, అతని పిల్లలు ప్రభాస్​, లావణ్యలు కనిపించలేదు.

తల్లీ ఇద్దరు పిల్లలు అదృశ్యం

విషయం తెలుసుకున్న దుర్గాప్రసాద్​... బంధువుల ఇళ్లలో వెతికినా.. ఇప్పటివరకు ఆచూకీ తెలియకపోవడంతో.. బాధితుడు పటాన్​చెరు పోలీస్​స్టేషన్​లో ఫిర్యాదు చేశారు. తనకు సోదరుడు అయ్యే రాజు అనే వ్యక్తిపై అనుమానం ఉందని ఫిర్యాదులో పేర్కొన్నాడు. కేసు నమోదు చేసుకున్న పోలీసులు.. దర్యాప్తు చేస్తున్నారు.

ఇదీ చూడండి: సీఎం కేసీఆర్​ను కలిసిన మహిళా కమిషన్ ఛైర్​ పర్సన్