సంగారెడ్డి జిల్లా పటాన్చెరు ఎమ్మెల్యే మహిపాల్ రెడ్డి తన పుట్టిన రోజు సందర్భంగా రాజ్యసభ సభ్యులు జోగినపల్లి సంతోష్ కుమార్ విసిరిన గ్రీన్ ఛాలెంజ్ను స్వీకరించారు. ఈ సందర్భంగా సంగారెడ్డి జిల్లా బొల్లారం మున్సిపల్ పరిధిలోని తెలంగాణ మోడల్ స్కూల్ ఆవరణలో మూడు మొక్కలు నాటారు. అనంతరం మెదక్ ఎంపీ కొత్త ప్రభాకర్ రెడ్డి, మెదక్ ఎమ్మెల్సీ భూపాల్ రెడ్డి, రామచంద్రపురం కార్పొరేటర్ అంజయ్య, భారతినగర్ డివిజన్ కార్పొరేటర్ సింధు ఆదర్శ రెడ్డిలకు ఛాలెంజ్ విసిరారు.
ఈ సందర్భంగా ఎంపీ సంతోష్ కుమార్ శుభాకాంక్షలు తెలియజేస్తూ మొక్కలు నాటాలని కోరుతూ గ్రీన్ ఛాలెంజ్కు తనని నామినేట్ చేయడం సంతోషకరంగా ఉందన్నారు. దేశవ్యాప్తంగా గ్రీన్ ఛాలెంజ్ ఉద్యమానికి మంచి స్పందన లభిస్తోందన్నారు. ఇందుకు ప్రత్యక్ష ఉదాహరణ ఇటీవల సినీ నటుడు ప్రభాస్ తమ నియోజకవర్గ పరిధిలోని కాజిపల్లి అటవీ ప్రాంతాన్ని దత్తత తీసుకోవడమే అన్నారు.
ఇవీ చూడండి: బకాయిలు విడుదల చేయాలని కేంద్రానికి కేటీఆర్ లేఖ
