సంగారెడ్డి జిల్లా గుమ్మడిదల మండలం దోమడుగు సమీపంలో... రసాయనాలు నిల్వ ఉంచిన గోదాములో భారీ అగ్ని ప్రమాదం సంభవించింది. బొంతపల్లి పారిశ్రామికవాడలో ఉన్న గోదాములో మొదట మంటలు చెలరేగగా... అందులోని రసాయన డ్రమ్ములు పేలి క్షణాల్లోనే మంటలు విస్తరించాయి. మొత్తం ఏడు అగ్నిమాపక యంత్రాల సాయంతో సిబ్బంది ఉదయం నాలుగు గంటల సమయంలో మంటలను అదుపులోకి తెచ్చినట్లు అధికారులు తెలిపారు.
ప్రమాద సమయంలో గోదాములో ఉన్న నలుగురు బయటకు పరుగులు తీయగా... ఎలాంటి ప్రాణనష్టం జరగలేదని చెప్పారు. అగ్నిప్రమాదం కారణంగా దట్టమైన పొగలు మూడు కిలోమీటర్లు మేర కమ్మేయగా స్థానికులు భయాందోళనకు గురయ్యారు.
రసాయనాల నిల్వ గోదాములో అగ్నిప్రమాదం..
ఇవీచూడండి: ఆ గంటలో ఏం జరిగింది ? ప్రమాదం ఎందుకు సంభవించింది ?
