నారాయణ్​ఖేడ్​లో మద్యం దుకాణాల్లో నిల్వల పరిశీలన

సంగారెడ్డి జిల్లా నారాయణ్​ఖేడ్​లోని వైన్​షాపుల్లో స్థానిక అబ్కారీ అధికారులు తనిఖీలు నిర్వహించారు. మద్యం నిల్వలపై సాయంత్రంలోగా నివేదిక ఇవ్వాలని అధికారులు ఆదేశించారు.

సంగారెడ్డి జిల్లా నారాయణ్​ఖేడ్​ పట్టణంలో గల ఎనిమిది మద్యం దుకాణాల్లోని నిల్వలను స్థానిక ఆబ్కారీ సీఐ, ఇతర అధికారులు పరిశీలించారు. మద్యం నిల్వలపై నివేదిక ఇవ్వాలని ఆబ్కారీ శాఖ ఉన్నతాధికారులు స్థానిక అధికారులకు ఆదేశాలు జారీ చేశారు. కొవిడ్​-19 లాక్​డౌన్​ సమయంలో సీజ్​ చేసిన మద్యం దుకాణాలను తెరిచి నిల్వలను పరిశీలించారు. సీజ్​ చేసినప్పడు ఉన్న నిల్వలు.. ప్రస్తుతం ఉన్న నిల్వలపై నివేదిక ఇవ్వాలని ఆదేశాలు జారీ చేశారు.

ఇదీ చూడండి: కరోనా లక్షణాల పరిశోధనలో మలుపు