సంగారెడ్డి జిల్లా పటాన్చెరు మండలం రామేశ్వరం బండ, అమీన్పూర్ మండలం నర్రెగూడెం గ్రామాల్లో జేఎన్ఎన్యూ ఆర్ఎం, వాంబే పథకంలో భాగంగా నివాస సముదాయాలు నిర్మించారు. వీటిల్లో నివసించేందుకు గ్రేటర్ పరిధిలోని శేరిలింగంపల్లి , చందానగర్, మియాపూర్ ప్రాంతాల్లో ఉన్నవారు అర్జీ పెట్టుకున్నారు. వీరికి ఈ నెల 24 తేదీలోపు తమ అంగీకార పత్రం సమర్పించాలని జిల్లా పాలనాధికారి హనుమంతరావు పేర్కొన్నారు.
ప్రభుత్వ నిర్ణయం మేరకు
రామేశ్వరంబండ, నర్రెగూడెం ప్రాంతాల్లో నిర్మించిన జేఎన్ఎన్యూఆర్ఎం, వాంబే గృహాలను అర్జీదారులకు కేటాయించేందుకు ప్రభుత్వం నిర్ణయించింది.
ఆ సంవత్సరాల్లోని వారికే..
ఈ నేపథ్యంలో పటాన్చెరు తహసీల్దార్ కార్యాలయం లేదా సంగారెడ్డిలోని గృహ నిర్మాణ శాఖ జిల్లా మేనేజర్ కార్యాలయాల్లో 24లోగా అంగీకార పత్రం, రసీదు ప్రతి, హౌసింగ్ ఐడీ కార్డు, ఆధార్ నెంబర్, మొబైల్ నెంబర్ను సమర్పించాలని దరఖాస్తుదారులకు కలెక్టర్ సూచించారు. ఈ అవకాశాన్ని 2004 ,2005 సంవత్సరాల్లో దరఖాస్తు చేసుకున్న వారు వినియోగించుకోవాలని కోరారు.
ఇవీ చూడండి : డిప్యూటీ తహసీల్దార్ పదోన్నతులపై సర్కార్ కసరత్తు
