బందం కొమ్ము చెరువు పరిధిలోని అక్రమ కట్టడాలు కూల్చివేత

సంగారెడ్డి జిల్లా కొమ్ము చెరువు ఎఫ్​టీఎల్ పరిధిలో జరుగుతున్న అక్రమ నిర్మాణాలను అధికారులు కూల్చివేశారు. నిర్మాణ హెచ్చరికలు పట్టించుకోక పోతే కఠిన చర్యలు తప్పవని అధికారులు తెలిపారు.

సంగారెడ్డి జిల్లా అమీన్​పూర్ మున్సిపాలిటీ పరిధిలోని బందం కొమ్ము చెరువును ఆక్రమించుకుని కొత్తగా వెంచర్ నిర్మాణం సాగుతోంది. ఎఫ్​టీఎల్ పరిధిలో నిర్మాణాలు జరుపరాదని పలుమార్లు అధికారులు హెచ్చరించినా.. నిర్మాణదారులు పట్టించుకోలేదు.

దీనితో ఆగ్రహించిన మున్సిపల్, రెవెన్యూ, నీటిపారుదల శాఖల అధికారులు సంయుక్తంగా వచ్చి అక్రమంగా జరుగుతున్న నిర్మాణాలను పాక్షికంగా కూల్చివేశారు. హెచ్చరికలు పట్టించుకోకపోతే కఠిన చర్యలు తప్పవని అధికారులు హెచ్చరించారు.