'రైతుబంధు, రుణమాఫీ వెంటనే అమలు చేయాలి'

తెరాస ప్రభుత్వం ఎన్నికల హామీలో భాగంగా ప్రకటించిన రైతుబంధు, రైతు రుణమాఫీ పథకాలను వెంటనే అమలు చేయాలని పటన్​చెరులో భాజపా నేతలు తహసీల్దార్​కు వినతి పత్రాన్ని అందించారు.

రైతుబంధు, రుణ మాఫీ వెంటనే అమలు చేయాలని కోరుతూ సంగారెడ్డి జిల్లా పటాన్ చెరు తహసీల్దార్ కార్యాలయంలో భాజపా ఆధ్వర్యంలో వినతి పత్రాన్ని అందించారు. అసెంబ్లీ ఎన్నికలకు ముందు రైతు బంధు పధకం క్రింద ఏ ప్రాతిపదికన రైతుల ఖాతాలో జమ చేశారో, అదే విధంగా జమ చేయాలని భాజపా రాష్ట్ర నాయకులు శ్రీకాంత్ గౌడ్ డిమాండ్ చేశారు.

ప్రస్తుతం కొత్తగా అర్హులైన రైతులందరికీ గత రెండు సీజన్లతో పాటు ప్రస్తుత సీజన్​తో కలిపి, ఎకరాకు 5 వేల రూపాయల చొప్పున రైతుల ఖాతాల్లో జమ చేయాలని ఆయన కోరారు. రైతులందరికీ లక్ష ‌రూపాయల రుణాలను మాఫీ చేస్తామని వాగ్దానం చేసిన ఈ ప్రభుత్వం రెండోసారి అధికారంలోకి వచ్చి 18 నెలలు గడుస్తున్నా నేటికీ రుణమాఫీ చేయలేదని విమర్శించారు. ఇచ్చిన హామీ మేరకు వెంటనే రైతులకు రుణ మాఫీ, రైతు బంధు వెంటనే అమలు చేసేలా చర్యలు చేపట్టాలని ఆయన డిమాండ్ చేశారు.