'ఈ పరిశ్రమను నిషేధించండి'

ఆ ఊర్లో ఎక్కడ చూసినా కాలుష్యమే...దీనికి కారణం పక్కనే ఉన్న కర్మాగారం. స్థానికంగా ఉన్న ఓ వ్యక్తి వేసిన పిటిషన్​తో హరిత ధర్మాసన బృందం గ్రామంలో పర్యటించింది. బృంద సభ్యులకు గ్రామస్థులు తన గోడు వెల్లబోసుకున్నారు.

సంగారెడ్డి జిల్లా జహీరాబాద్ మండలం పస్తాపూర్​లో జాతీయ హరిత ధర్మాసన బృందం పర్యటించింది. మండల శివారులోని అల్లానా కర్మాగారం కాలుష్యంపై హరిత ధర్మాసనంలో ఓ వ్యక్తి పిటిషన్​ దాఖలు చేశారు. స్పందించిన ధర్మాసనం ప్రత్యేక కమిటీని గ్రామంలో పర్యటించి నివేదిక సమర్పించాలని ఆదేశించింది.

ముందుగా గ్రామ సభ నిర్వహించిన కమిటీ ప్రతినిధులు కాలుష్య కారక పరిశ్రమపై ప్రజాభిప్రాయాన్ని తీసుకున్నారు. అనంతరం గ్రామ శివార్లలోని పొలాల్లో పంటల పరిస్థితులు, బోరుబావిలోని నీటి నమూనాలను సేకరించారు.అల్లానా పరిశ్రమ వల్ల తమ పంటల మీద తీవ్ర దుష్ప్రభావం పడుతోందని రైతులు ఆవేదన వ్యక్తం చేశారు.

''మా ప్రాణాలు, పంటలుకాపాడండి''

ప్రజాభిప్రాయంతో పాటు నివేదికలు రూపొందించి హైకోర్టు హరిత ధర్మాసనానికి సమర్పించనున్నట్లు అధికారులు తెలిపారు.వీలైనంత త్వరగా ఫ్యాక్టరీని మూసివేయించి తమ ప్రాణాలు కాపాడాలని పస్తాపూర్ వాసులు కోరుతున్నారు.

ఇవీ చదవండి :జనసేన తొలి అభ్యర్థి ఖరారు