ఏటీఎం చోరీకి యత్నం.. పోలీసులకు అడ్డంగా దొరికిన వైనం

మద్యం మత్తులో ఓ వ్యక్తి ఏటీఎం తెరిచి నగదు దొంగిలించే ప్రయత్నం చేయగా స్థానికులు పట్టుకుని అతన్ని పోలీసులకు అప్పగించారు. ఈ ఘటన సంగారెడ్డి జిల్లా పటాన్​ చెరులో చోటుచేసుకుంది.

సంగారెడ్డి జిల్లా పటాన్​చెరు పట్టణ కూడలి సమీపంలో కరూర్ వైశ్యా బ్యాంక్ ఏటీఎంలో ఓ వ్యక్తి స్పానర్ల సాయంతో ఏటీఎంను తెరిచే యత్నం చేశాడు. ఇది గమనించిన స్థానికులు పోలీసులకు సమాచారం ఇచ్చారు. ఆ వ్యక్తి పరారయ్యేందుకు యత్నించగా స్థానికులు పట్టుకుని పోలీసులకు అప్పగించారు.

నిందితుడు తెల్లపాడు మున్సిపాలిటీ పరిధి ఈదుల నాగులపల్లి గ్రామానికి చెందిన మహిపాల్​గా పోలీసులు గుర్తించారు. మద్యం మత్తులో ఉన్నాడని స్థానికులు చెబుతున్నారు.

ఇవీ చూడండి: గవర్నర్​తో సీఎం కేసీఆర్​ సుధీర్ఘ భేటీ..