తెరాస ప్రభుత్వ పనితీరుపై పట్టభద్రులు నిజమైన తీర్పు వెలువరించారని ఆ పార్టీ నాయకులు అన్నారు. పట్టభద్రుల ఎమ్మెల్సీ ఎన్నికల్లో తమ పార్టీ అభ్యర్థులు విజయం సాధించడంతో సంగారెడ్డి జిల్లా జహీరాబాద్లో నాయకులు, కార్యకర్తలు సంబురాలు చేసుకున్నారు.
జహీరాబాద్లోని ఎమ్మెల్యే క్యాంపు కార్యాలయం నుంచి ప్రధాన రహదారి మీదుగా తెరాస కార్యకర్తలు బైక్ ర్యాలీ నిర్వహించారు. భవాని మందిర్ కూడలి వద్ద బాణాసంచా కాలుస్తూ.. జై తెలంగాణ, జై కేసీఆర్ అంటూ నినాదాలు చేశారు. పరస్పరం మిఠాయిలు పంచుకొని సంబరాల్లో మునిగిపోయారు. తమ పార్టీ అభ్యర్థులను గెలిపించిన పట్టభద్రులకు కృతజ్ఞతలు తెలిపారు.
ఇదీ చదవండి: హైదరాబాద్-రంగారెడ్డి-మహబూబ్‌నగర్ స్థానంలో వాణీదేవికి పట్టం
