సంగారెడ్డి జిల్లా జహీరాబాద్ మండలం ఖాసింపూర్ గ్రామంలో దారుణం జరిగింది. కుటుంబ కలహాల నేపథ్యంలో పొలం పనులకు వెళ్లివస్తూ భార్య పుణ్యవతి, భర్త శంకర్లు కుటుంబ విషయాలు మాట్లాడుకున్నారు. మాటామాటా పెరిగి కోపోద్రేకుడైన శంకర్ చేతిలో ఉన్న కత్తితో పుణ్యవతిని కిరాతంగా గొంతుకోసి చంపేశాడు.
గతంలో కుటుంబంలోని మనస్పర్థల కారణంగా పుణ్యవతి ఎనిమిది నెలలపాటు పుట్టింట్లో ఉందని.. పెద్దలు రాజీ కుదర్చగా ఐదు రోజుల క్రితమే భర్త వద్దకు వచ్చిందని స్థానికులు తెలిపారు. ఘటనా స్థలాన్ని జహీరాబాద్ సీఐ సైదేశ్వర్ పరిశీలించి మృతదేహాన్ని సమీప ఆస్పత్రికి తరలించారు. హత్యకు పాల్పడ్డ మృతురాలి భర్త శంకర్ను అదుపులో తీసుకున్నారు.
ఇదీ చదవండి: హస్తకళాకారులకు కరోనా కష్టం
